سیستەمی سەرەکیی سەرچاوە مرۆییەکان
ئەرکی سەرەکیی ئەم بەشە بریتییە لە تۆمارکردن و پاراستنی وردەکاریی تەواوی زانیارییەکانی سەرجەم فەرمانبەرانی دامەزراوەکە. ئەمەش پڕۆسەیەکی هەمەلایەنە و بەردەوامە کە هەموو زانیارییە کەسی و پیشەییەکانی فەرمانبەران دەگرێتەوە، لە سەرەتای دامەزراندنیانەوە تا کۆتاییهاتنی ڕاژەیان، جا بە خانەنشینبوون بێت، وازهێنان یان هەر هۆکارێکی تر. ئەم زانیارییانە بەشێوەیەکی ڕێکخراو و پارێزراو لە دۆسیەی تایبەتیی هەر فەرمانبەرێکدا هەڵدەگیرێن و بە بەردەوامی نوێ دەکرێنەوە.
ئامانج لەم کارە، دابینکردنی بنکەدراوەیەکی ورد و باوەڕپێکراوە بۆ بەڕێوەبەرایەتیی دامەزراوەکە، تا بتوانرێت بە باشترین شێوە سوود لە تواناکانی فەرمانبەران وەربگیرێت و بڕیاری دروست لە کاتی گونجاودا بدرێت. هەروەها ئەم زانیارییانە یارمەتیدەر دەبن لە پلاندانان بۆ داهاتوو، دیاریکردنی پێداویستییەکانی ڕاهێنان و پەرەپێدان، و بەدواداچوون بۆ ماف و ئیمتیازەکانی فەرمانبەران.
گرتنەبەری بڕیاری دروست: یارمەتیدانی بەڕێوەبەرانە بۆ بڕیاردانی گونجاو لە کاتی پێویستدا، لەسەر بنەمای زانیاریی نوێ و ڕاست.
بەڕێوەبردنی کارا
باشتر سوود وەرگرتن له توانا و لێهاتووییەكانی فەرمانبەران و دانانیان له شوێنی گونجاودا.
پلاندانانی ستراتیژی
یارمەتیدان له پلاندانان بۆداهاتووی هێزی کاری دامەزراوەکه و دیاریکردنی پێداویستییەکان.
پەرەپێدانی فەرمانبەران
دیاریکردنی وردی پێداویستییەکانی ڕاهێنان و پەرەپێدانی پیشەیی بۆ فەرمانبەران.
بەدواداچوونی مافەکان
بەدواداچوونی ئاسان و ورد بۆ ماف و ئیمتیازەکانی فەرمانبەران وەک شایستەیی پلە بەرزکردنەوە، هەژمارکردنی مووچە و دەرماڵەکان، بەڕێوەبردنی مۆڵەتەکان و مافەکانی خانەنشینی.
بە کورتی، ئەم مۆدیولە دڵی سیستەمی HR پێکدەهێنێت و زانیارییە بنەڕەتییەکان بۆ کارکردنی سەرکەوتووانەی هەموو مۆدیولەکانی تر دابین دەکات.